राजविराज : विद्युत महसुल नबुझाउने अदालतदेखि मालपोतसम्मको लाइन काटियो

राजविराज । महसुल नबुझाएको भन्दै सप्तरीका मुख्य सरकारी कार्यालयहरुको विद्युत सेवा कटौती गरिएको छ ।
नेपाल विद्युत प्राधिकरण राजविराज शाखाले सप्तरी जिल्ला अदालतसहितका कार्यालयको विद्युत लाइन काटेको हो ।
सप्तरी जिल्ला अदालत, मालपोत कार्यालय, कृषि ज्ञान केन्द्र, खानेपानी तथा सरसफाइ डिभिजनसहितका कार्यालयको विद्युत लाइन काटिएको नेपाल विद्युत प्राधिकरण कार्यालय राजविराजका प्रमुख लखन लला मल्लिकले जानकारी दिए ।
उनका अनुसार रु ५० हजारभन्दा बढी महसुल तिर्न बाँकी रहेकाे देखिए पछि लाईन काटिएको उनले बताए ।