राजविराज । भारतकाे अयाेध्यामा भगवान रामकाे प्राण प्रतिष्ठा हुने दिन सप्तरीको दुई पालिकमा सार्वजनिक विदा दिइने भएको छ ।
जिल्लाको डाक्नेश्वरी र शम्भुनाथ नगरपालिकामा उक्त दिन सार्वजनिक विदा दिइने निर्णय गरिएको छ । माघ ८ गते अर्थात सोमबार भगवान रामको प्राण प्रतिष्ठा गरिने दिन सार्वजनिक विदा दिने निर्णय यो दुई पालिकाले गरेको छ ।
डाक्नेश्वरीका प्रमुख रामलखन मुखिया र शम्भुनाथ नगरपालिकाका कार्यवाहक प्रमुख अनिता देवी चौधरीले छुट्टाछुट्टै सूचना जारी गर्दै सोमबार सार्वजनिक विदा दिने निर्णय भएको जनाएका छन् ।
भगवान रामको प्राण प्रतिष्ठा हुने दिन सनातनी हिन्दु धर्मावलम्बीका लागि विशेष दिन हुने भएकाले विदा दिइएको सूचनामा उल्लेख गरिएको छ । दुबै पालिकाले त्यस दिन दिपोत्सव गर्न समेत अनुरोध गरिएको छ ।
यो खबर पढेर तपाईलाई कस्तो महसुस भयो ?
+1
1
+1
1
+1
+1
+1
+1
+1
