राजविराज । मधेश कृषि विश्वविद्यालयको भवन शिलान्यास हुने स्थलमा सर्वसाधारण भन्दा सुरक्षाकर्मी बढी उपस्थित देखिएका छन् ।
विश्वविद्यालयको सोमबार राजविराज नगरपालिका वडा नम्बर १३ विषहरियामा शिलान्यास हुने तय गरिएको छ । बिहान ११:३० बजे शिलान्यासकाे समय निर्धारण गरेपनि अझै शुरु हुन सकेको छैन । अहिले कार्यक्रम स्थलमा आयोजक समेत उपस्थित भएको छैन ।
विश्वविद्यालयका सह कुलपति समेत रहेका शिक्षा मन्त्री महेश यादवले शिलान्यास स्थगित गर्न हिजै सूचना जारी गरिसकेका छन् ।
भवनको शिलान्यास जसपा अध्यक्ष उपेन्द्र यादवले गर्न लागेको भन्दै जनमत पार्टीले विश्वविद्यालयको कार्यालयमा ताला लगाइसकेको छ ।
जनमतले अवरोध गर्न सक्ने भन्दै कार्यक्रम स्थलमा व्यापक रुपमा नेपाल तथा सशस्त्र प्रहरी परिचालन गरिएको छ ।
कार्यक्रममा सहभागिता जनाउन जसपा अध्यक्ष उपेन्द्र यादव, मुख्यमन्त्री सरोज यादव राजविराज आइसकेका छन् । यधपी कार्यक्रम स्थलमा अझै आइपुगेका छैनन् ।
