राजविराज । सप्तरीका समस्या उजागर गर्दै समाधानक बाटोमा लग्ने पहल गर्ने उद्देश्यले पूर्व मन्त्री उमेश कुमार यादवले सप्तरी स्वाभिमान यात्रा शुरु गरेका छन् ।
मंगलबारदेखि उनलेे जिल्लाकाे बलान बिहुल गाउँपालिकाबाट याे यात्रा शुरू गरेका हुन् ।
पूर्व मन्त्री यादवले अभियानका क्रममा हरेक टोल र वस्ती पुगेर समस्याबारे छलफल गरिने बताए ।
सप्तरीको १८ वटै पालिकामा यो अभियान संचालन गर्दै बीच–बीचमा सरोकारबालासँग छलफल समेत गरिने उनले बताए । समस्याबारे हरेक नागरिकलाई जागरुक हुनुपर्ने भन्दै उनले यसमा सबैले सहयोग गर्ने विश्वास व्यक्त गरे ।
हामी सबै मिली सप्तरीको विकास र समृद्धिका लागि अगाडि बढौँ’ भन्ने आह्वान गर्दै याे यात्रा शुरू गरिएको उनलेे बताए ।
अभियान शुरू गर्नुअघि उनले राजविराजस्थित शहिद साकेतचन्द्र मिश्र र स्वर्गीय गजेन्द्रनारायण सिंहको शालिकमा माल्यार्पण गरेका थिए ।
