राजविराज । कप्तान देब खनालको संयमित पारीले नेपाल अण्डर–१९ विश्वकप क्रिकेट प्रतियोगिताको सुपर सिक्समा प्रवेश गरेको छ ।
शुक्रबार भएको खेलमा अफगानिस्तानलाई १ विकेटले हराउँदै नेपाल सुपर सिक्समा प्रवेश गरेको हो ।
अफगानिस्तानले दिएको १४६ रनको सामान्य लक्ष्य प्राप्त गर्न टोलीलाई संघर्ष गर्नुपरेको थियो । अपनर अर्जुन कुमाल १० रनमा आउट भएपछि लगातार नेपालको विकेट पतन भइरह्यो । यो लक्ष्य पूरा गर्न नेपाललाई ओभर खेल्नुपरेको छ । ४४ ओभर ४ बलमा ९ विकेट गुमाएर नेपालले लक्ष्य पूरा गरेको हो ।
खेलमा कप्तान खनाल संयमित भएर खेलिरहे । ८९ बलको सामना गरेका उनले ५८ रनको योगदान दिए । ३६ ओभर ३ बलमा उनी घजानफरको बलमा आउट भए । दीपक बोहराले २७ र आकाश त्रिपाठीले १६ रन बनाए ।
यसअघि टस जितेर पहिले व्याटिङ गरेको अफगानिस्तान ४० ओभर १ बलमा अलआउट हुँदै १४५ रन बनाएको थियो । उसलाई सस्तोमै समेटन नेपालका आकाश चन्दले एक्लै ५ विकेट लिए ।
