राजविराज । सहकुलपतिलाई कुनै जानकारी नै नदिई कामकाज अगाडि बढाएको भन्दै जनमत पार्टीका नेता÷कार्यकर्ताले राजविराजस्थित मधेश कृषि विश्वविद्यालयको कार्यालयमा ताला लगाएका छन् ।
विश्वविद्यालयको सहकुलपति मधेश प्रदेशह सरकारका शिक्षा तथा संस्कृति मन्त्री महेश यादव भएपनि उनलाई कुनै जानकारी नै नदिई कामकाज अगाडि बढाएको भन्दै जनमतका नेता÷कार्यकर्ताले आईतबार ताला लगाएका हुन् ।
महेश यादव जनमत पार्टीबाट मन्त्री बनेका हुन् । जनमतचले सहकु्लपतिलाई कुनै जानकारी नै नदिई कामकाज अगाडि बढाउनु गणतन्त्र नेपालको संघीय संरचना प्रणालीबिरुद्धको काम भएको जनाएको छ ।
कृषि विश्वविद्यालयको भवन शिलान्यासका लागि जसपा अध्यक्ष उपेन्द्र यादवलाई बोलाउन लागेपछि जनमत पार्टीले आक्रोश व्यक्त गरेको हो । जनमतले विश्वविद्यालयमा दलीय क्रुरता बन्द गर, गैर वैदानिक कार्य बन्द गर जस्ता माग राख्दै ताला लगाएका हुन् ।
यद्यपी शिलान्यास कार्यक्रममा जसपा अध्यक्ष यादव आउन लागेको भन्दै जनमत पार्टीको सचिवालयबाटै आक्रोश व्यक्त गरिएको थियो ।
यता विश्वविद्यालयका रजिष्टार भगवान ठाकुरले जनमत कार्यकर्ताले नानाथरी अपश्द बोल्दै ताला लगाएको बताए । उनले शिलान्यस कार्यक्रमका प्रमुख अतिथी विश्वविद्यालयका उपकुलपति मुख्यमन्त्री सरोज यादवलाई नै बनाइएको प्रतिकृया दिए । ‘मुख्यमन्त्री र शिक्षा मन्त्री मिलेर शिलान्यास गर्ने कार्यक्रम हामीले तय गरेका छौं’ उनले भने, ‘कार्यक्रममा जसपा अध्यक्ष उपेन्द्र यादव, जनमत अध्यक्ष डा. सिके राउतसहित प्रदेशका मन्त्री र जिल्लाका सबै सांसदलाई आमन्त्रणा गरेका छौं ।’
विश्वविद्यालयले सोमबार राजविराज १३ बिषहरियामा भवनको शिलान्यास गर्दैछ । यसका लागि प्रदेश सरकारले रु ३० करोड विनियोजन गरेको छ ।
