राष्ट्रपति सप्तरीमा, गरे छिन्नमस्ताकाे पूजापाठ

राजविराज । राष्ट्रपति रामचन्द्र पाैडेल सप्तरी आएका छन् । हेलिकप्टरबाट जिल्लाकाे छिन्नमस्ता गाउँपालिका आएका पाैडेलले मुलुककै प्रसिद्ध छिन्नमस्ता मन्दिरमा पूजापाठ गरेका हुन् ।
पूजापाठ गर्नुअघि राष्ट्रपतिलाई पालिकाका जनप्रतिनिधिले मौलिक तरिकाले स्वागत गरेका छन्। पुरुष जनप्रतिनिधि धोती र कुर्ता तथा महिला जनप्रतिनिधि साडी लगाएर स्वागत गरेका छन् । उनलाई संघीय सांसद दिनेश यादव, तेजुलाल चाैधरीसहित प्रदेश सांसद र जिल्लाका अन्य पालिकाका प्रमुखले समेत स्वागत गरे ।
राष्ट्रपतिको आगमन भएपछि मन्दिर प्राङ्गणलाई सिङारिएको छ ।