राजविराज । सप्तरीको रूपनी गाउँपालिकाले १८ बर्षमुनिका बालबालिकालाई सुर्तीजन्य र मादक पदार्थ बिक्रीमा रोक लगाइने भएको छ ।
पालिकाको बुधबार भएको पाँचौ गाउँ सभामा प्रस्तुत गरिएको नीति तथा कार्यक्रम मार्फत यस्तो घोषणा गरिएको छ ।
गाउँपालिकाकी उपाध्यक्ष पुष्पा श्रेष्ठ लौगीले प्रस्तुत गरेको नीति तथा कार्यक्रममा १८ बर्ष मुनिका बालबालिकालाई सुर्तीजन्य तथा रक्सीजस्ता मादक पदार्थको बिक्री गर्नमा रोक लगाइने उल्लेख छ ।
कक्षा कोठामा मोबाइल प्रयोग गर्ने शिक्षकलाई कार्वाहीको दायरामा ल्याउने समेत नीति तथा तथा कार्यक्रममा उल्लेख गरिएको छ ।
यस्तै, बिना अनुमति संचालन भइरहेको संस्थागत विद्यालयलाई पनि कार्वाहीको दायरामा ल्याउने उल्लेख गरिएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
