राजविराज । सप्तरीको सम्पूर्ण फोटो स्टुडियोहरु सोमबार बन्द रहने भएको छ ।
सप्तरी फोटोग्राफर परिवार संघका सदस्य अशोक चौधरीको निधन भएको शोकमा फोटो स्टुडियोहरु बन्द रहने भएको हो ।
सप्तकोशी नगरपालिकाको फत्तेपुरस्थित आशा डिजिटल स्टुडियो एण्ड कलर ल्याबका प्रोप्राइटर चौधरीको आईतबार निधन भएको छ ।
उनको निधनले संघलाई अपुरणीय क्षति भएको सप्तरी फोटोग्राफर संघका जिल्ला अध्यक्ष रमेश कुमार राउतले बताएका छन् । उनले चौधरीको शोकमा सोमबार सप्तकोशी नगरपालिकाभित्रका सम्पूर्ण फोटो स्टुडियो दिनभर र जिल्लाभरिका बाँकी फोटो स्टुडियोहरु मध्यान्ह १२ बजेसम्म बन्द रहने जानकारी गराएका छन् ।
निधन भएका चौधरी मनकामना सहकारी संस्थाका अध्यक्ष, सामुदायिक वन महासंघका जिल्ला अध्यक्ष समेत थिए ।
सप्तकोशी नगरपालिका वडा नम्बर २ निवासी उनी नेपाली कांग्रेसमा आबद्ध भई राजनीतिमा पनि कृयाशिल थिए । चौधरी ५६ बर्षका थिए ।
