राजविराज । फोहोर व्यवस्थापनमा तदारुकता नदेखाएको भन्दै सप्तरी युथ नेपालद्धारा भलुवाही नदीबाट संकलन भएको फोहोर राजविराज नगरपालिकाको कार्यालय अगाडि थुपारेका छन् ।
युथ नेपालका युवाहरु पछिल्लो पाँच साता यता शनिबारका दिन भलुवाही नदीको सरसफाई गर्दै आएका छन् । युवाहरुको कदममा नगरपालिकाले कुनै सहयोग नगरेको तथा फोहोर व्यवस्थापनमा कुनै ध्यान नदिएको भन्दै युवाहरुले फोहोर नगरपालिकाको कार्यालय अगाडि थुपारेका हुन् ।
सप्तरी युथ नेपालले यसअघि राजविराजमा १२८ हप्तासम्म सरसफाई अभियान संचालन गरेको थियो । मुलुककै पुरानो टाउन प्लानिङ शहर फोहोरका कारण अस्तव्यस्त बन्दै गएपछि नगरपालिकाको ध्यानाकर्षण गराउन हामीले यो कदम चालेका हौं’ सप्तरी युथ नेपालका कावा अध्यक्ष मोहन यादवले भने, ‘अब पनि नगरपालिकाका जनप्रतिनिधी र कर्मचारीको ध्यान यसतर्फ जानुपर्छ ।’
उनले फोहोर व्यवस्थापनमा नगरपालिकाको अझै ध्यान नगए योभन्दा पृथक किसिमको आन्दोलन गर्ने बताए ।
