राजविराज । सप्तरीको शम्भुनाथ नगरपालिकाले आगामी आ.ब. २०८१/८२ का लागि रु. ७० करोड ५९ लाख १६ हजारको बजेट प्रस्तुत गरेको छ ।
नगरपालिकाको सोमबार भएको १६ औ नगर सभामा उक्त बजेट प्रस्तुत गरिएको हो ।
प्रस्तुत गरिएको बजेटमा संघ अन्तर्गतको वित्तीय समानिकरण रू. ११ कराेड ४१ लाख, नेपाल सरकारकाे सशर्त अनुदान चालु अन्तर्गत रु. २१ करोड ९२ लाख २९ हजार, सशर्त अनुदान पुँजिगत अन्तर्गत रु. ९० लाख, राजस्व बाँडफाँड (संघ) अन्तर्गत १० करोड ८३ लाख, आन्तरिक आय अन्तर्गत ७५ लाख, प्रदेशको राजस्व बाँडफाँड अन्तर्गत रु. ५० लाख आउने अनुमान गरिएको छ ।
यस्तै, प्रदेश बित्तीय समानिकरण अन्तर्गत रु. ८२ लाख ८७ हजार, प्रदेशको समपुरक अनुदान अन्तर्गत रु. २० लाख, प्रदेशको विशेष अनुदान अन्तर्गत ३० लाख, प्रदेशको सशर्त अनुदान अन्तर्गत रु. ९५ लाख आउने अनुमान गरेको नगरपालिकाले सामाजिक सुरक्षा कार्यक्रमका लागि रु. २२ करोड विनियोजन गरेको छ ।
