राजविराज । कुमारी बैंक लिमिटेड शाखा राजविराजले क्यान्सर रोगी रहेका एक जना आफ्ना ग्राहकलाई बिमा वापतको रकम प्रदान गरेको छ ।
परिवार सुरक्षा बचत खाता योजना अन्तर्गत गम्भीर रोगको उपचार एवं दुर्घटना मृत्यु बीमा वापत यो बैंकले आफ्ना ग्राहकलाई सहयोग गर्दै आएको छ ।
पछिल्लो पटक शुक्रबार राजविराज नगरपालिका वडा नम्बर १३ का क्यान्सर रोगी २५ बर्षीय प्रमोद कुमार साहलाई रु १ लाख प्रदान गरेको छ । बैंकका ऋण अधिकृत कुमार प्रबिणले साहलाई रकम वापतको चेक प्रदान गरे ।
साहले तीन महिनाअघि क्यान्सर रोगी भएको र बिमा वापतको रकम भुक्तानीका लागि दावी पेश गरेका थिए ।
प्रबिणका अनुसार यो योजना अन्तर्गत हालसम्म ५० जनालाई स्वास्थ्य बिमा अन्तर्गतको रकम प्रदान गरिएको छ ।
कुमारी बैंकले विगत ४ वर्ष देखि परिवार सुरक्षा बचत खातामा सामान्य जाँच अस्पताल भर्ना भई उपचार गरेका तथा गम्भीर रोगहरुको उपचार एवं दुर्घटना मृत्यु बीमा वापत बीमा कम्पनीहरु मार्फत आफ्ना ग्राहकलाई रकम प्रदान गर्दै आएको छ ।
यो योजना अन्तर्गत हालसम्म बैंकका ४ हजार ५०० ग्राहकलाई रु ८ करोड रुपैयाँ बराबरकोे बीमा रकम भुक्तानी प्रदान गरेको छ ।
बैंकको तथ्यांक अनुसार यस योजना अन्तर्गत शहरी तथा ग्रामिण क्षेत्रबाट समेत ग्राहकहरु लाभान्वित भएका छन् । बागमती प्रदेशमा सर्वाधिक ३६ प्रतिशत, मधेश प्रदेशमा ११ र गण्डकी प्रदेशमा १० प्रतिशत र बाँकी रकम अन्य प्रदेशमा भुक्तान भएको बैंकले जनाएको छ ।
कुल बीमा भुक्तानीमध्ये बैंकले अस्पताल भर्ना बीमा वापत सर्वाधिक ५४ प्रतिशत रकम भुक्तानी गरेको छ ।
कुमारी परिवार सुरक्षा बचत खातामा खातावालासहित परिवारका चार जाना सदस्यले २६ लाख रुपैयाँसम्मको बीमा सुविधा प्राप्त गर्ने भएकोले यो बचत खाता ग्राहक माझ अत्याधिक लोकप्रिय रहेको छ ।
