गंगा प्रसाद साह
भारदह । सप्तरीको हनुमाननगर कंकालिनी नगरपालिकामा विंगरको ठक्करले हजूरआमा र नाती गम्भीर घाइते भएका छन् ।
पूर्व पश्चिम राजमार्ग अन्तर्गत नगरपालिकाको वडा नम्बर १ भारदहस्थित कंकालिनी मन्दिर अगाडि आईतबार बिहान यो दुर्घटना भएको हो ।
राजविराजबाट विराटनगरतर्फ जाँदै गरेको प्रदेश १–००२–००१ज ३८६६ नम्बरको विंगरले पैदल यात्री भारदह बस्ने ४५ बर्षीया अनितादेवी अधिकारीलाई ठक्कर दिएको हो ।
ठक्करले अनितासहित उनको काखमा रहेका १५ महिने नाति आदर्श अधिकारी समेत गम्भीर घाइते भएका छन् ।
उनीहरुको भारदह अस्पतालमा प्राथमिक उपचार गराई थप उपचारका लागि विराटनगर पठाइएको छ ।
ठक्कर दिएपछि स्थानीयले पूर्व पश्चिम राजमार्ग अवरुद्ध गरेका छन् ।
यो खबर पढेर तपाईलाई कस्तो महसुस भयो ?
+1
+1
+1
+1
2
+1
+1
+1
