राजविराज । जितिया पर्वको शुरुवातसँगै राजविराजको एक पोखरी सरसफाई गरिएको छ । ब्रतालु महिलालाई नुहाईधुवाई गर्न सजिलो होस् भन्ने उद्देश्यले राजविराज–हनुमाननगर सड्क खण्डस्थित राजविराज ९ स्थितो पोखरीलाई आशिया पार्टी प्यालेशद्धारा सरसफाई गरिएको हो ।
सरसफाई गर्दै पोखरीमा नुहाएर महिलालाई कपडा फेर्न सजिलो होस् भन्ने उद्देश्यले घेरबार समेत गरिदिएको पार्टी प्यालेशका संचालक अकबर हुसैनले जानकारी दिए ।
जितिया पर्वमा सहभागी हुने सम्पूर्ण महिलालाई उनले शुभकामना समेत दिएका छन् ।
सोमबारदेखि जितिया पर्व शुरु भएको छ । पहिलो दिन महिलाहरुले नजिकको जलायशमा नुहाईधुवाई गरी जितुमहान भगवानको पूजापाठ गर्ने गर्छन् ।
पर्व अन्तर्गत मंगलबार बिहान पुनः नुहाईधुवाई गरी पूजापाठ गर्ने गरिन्छ । यसपछि महिला निराधार ब्रत बस्छन् ।
यस पटक मंगलबार बिहानदेखि बुधबार साँझसम्म उपवास बस्नेछन् ब्रतालु महिला ।
आफ्ना सन्तानको दिर्घायुको कामना गर्दै महिलाहरु यो कठोर ब्रत गर्ने गर्छन् ।
