राजविराज । उच्च अदालत जनकपुर, राजविराज इजलासले कंचनरुप नगरपालिकाको ११औं नगरसभाको निर्णय कार्यान्वयन नगराउन अल्पकालिन अन्तरिम आदेश दिएको छ ।
अदालतका न्यायाधीश सरला मोक्तानको एकल इजलासले आईतबार यस्तो आदेश दिएको हो ।
नगरपालिकाका उप मेयर मुना कुमारी पोखरेलले दायर गरेको उत्प्रेषण, निषेधाज्ञायुक्त परमादेश रिटमा अदालतले यस्तो आदेश दिदैं दुबै पक्षलाई आगामी असार १२ गते छलफलका लागि बोलाएको छ ।
निवेदनमा अन्तरिम आदेश जारी गर्न माग गरेतर्फ दृष्टिगत गर्दा दुबै पक्ष राखी छलफल सुनी निष्कर्षमा पुग्न उप्युक्त हुने हुँदा असार १२ मा अन्तरिम आदेश छलफलको लागि पेशी तोकी सो मितिसम्मको लागि कंचनरुप नगरपालिकाको ११ औं नगर सभाको मिति २०८२÷२÷२१ मा भएको निर्णय कार्यान्वयन नगर्नु नगराउनु भनी उच्च अदालत नियमावली, २०७३ को नियम ४२ बमोजिम विपक्षाीहरुको नाममा अल्पकालिन अन्तरिम आदेश जारी गरिदिएको छ’ आदेशमा भनिएको छ ।
आदेशमा विपक्षीहरुलाई आफ्नो सबुत प्रमाणसहित उपस्थित हुन भनिएको छ ।
