राजविराज । सप्तरीको राजगढ गाउँपालिकाले आगामी आर्थिक बर्ष २०८२/८३ का लागि कुल ४९ करोड १५ लाख ७७ हजार ६६३ को बजेट प्रस्तुत गरेको छ ।
पालिकाको सोमबार भएको १५ औं अधिवेशनले यो बजेट प्रस्तुत गरेको हो ।
गाउँपालिकाका उपाध्यक्ष रेणु मण्डलले बजेट प्रस्तुत गरिन । प्रस्तुत गरिएको बजेटमा चालुतर्फ ३६ करोड ६६ लाख ९५३ र पुजिगततर्फ १२ करोड ४९ लाख ७६ हजार ७१० विनियोजन गरिएको छ ।
वित्तीय समानिकरणतर्फ रु १० करोड १४ लाख, राजस्व बाँडफाँडबाट रू ९ कराेड ३१ लाख ७१ हजार २३, आन्तरिक राजश्व १ कराेड १० लाख ५० हजार, सशत अनुदानबाट २७ करोड ३४ लाख २९ हजार ९३०, प्रदेश सरकार वित्तीय समानिकरणबाट ६९ लाख ९७ हजार र प्रदेश सरकार राजस्व बाँडफाँडबाट ५५ लाख २९ हजार ७१० आय हुने अनुमान गरिएको छ ।
गाउँसभामा नीति तथा कार्यक्रम प्रस्तुत गर्दै पालिका अध्यक्ष ओमप्रकाश मण्डलले पालिकाभरिका कृषकको सिंचाइ वापतको विद्युत महसुल पालिकाले तिरिदिने बताए ।
आगामी आब २०८२/८३ को अन्त्यसम्म पालिकालाई साक्षर घोषणा गरिने उनले बताए । यो आबमा २ देखि ३ वटा बर्थिङ सेन्टर संचालन गरिने उनले बताए ।
