राजविराज । राजविराज मेयर कप सप्तरी महिला प्राइड लिग सिजन–२ भोलिदेखि प्रारम्भ हुँदैछ ।
स्थानीय पवि मावि खेल मैदानमा शुरु हुने प्रतियोगितामा तीन वटा टीमको सहभागिता रहने सप्तरी क्रिकेट संघका अध्यक्ष आयुष श्रेष्ठले जानकारी दिए ।
प्रतियोगितामा राजबिराज रोयल्स, खडक क्वीन र सुरूङ्गा सरभाइभल्स टिमको सहभागिता रहनेछ । प्रत्येक टिमका सप्तरीका ९ जना खेलाडी हुनेछ । ३ जना मधेशका तथा देशको अन्य ठाउँका २ जना खेलाडीको सहभागिता रहने श्रेष्ठले बताए ।
राजविराज रोयल्सको कप्तानमा साक्षी यादव, खडक क्वीनको कप्तानमा अलिशा यादव र सुरूङ्गा सरभाइभल्सका तर्फबाट साना प्रविन कप्तान छन् । प्रतियोगितामा दर्जनौं राष्ट्रिय तथा अन्तर्राष्ट्रिय खेलाडीको सहभागिता रहनेछ ।
प्रत्येक टिमले एकअर्कासँग एक÷एक वटा खेल खेल्नेछ । शिर्ष रहने दुई टोलीबीच १४ असारमा फाइनल खेल हुने श्रेष्ठले बताए ।
प्रतियोगिताको प्रत्यक्ष प्रशारण मधेश प्रदेश क्रिकेट संघको युटयुव पेजबाट हुने र क्रिकक्लवबाट अनलाइन स्कोरिंग हेर्न सकिने उनले बताए ।
