राजविराज । राजविराज नगरपालिकाभित्रका विद्यालयका प्रधानाध्यापकले नगरपालिकाको कार्यालयमा देखिएका समस्या समाधान गर्न सम्बन्धित निकायसँग आग्रह गरेको छ ।
नगरपालिकाको कार्यालयमा देखिएको विवादले शैक्षिक क्षेत्र पनि प्रभावित भएको भन्दै नियमित काम शुरु गराउन आग्रह गरिएको छ ।
प्रधानाध्यापकहरुले मंगलबार प्रमुख जिल्ला अधिकारी भोला दाहाललाई ध्यानाकर्षण बुझाउँदै आर्थिक वर्षको अन्तमा यसरी दैनिक प्रशासनिक, आर्थिक लगायतका कामकाजहरु अवरोध हुँँदा सामुदायिक विद्यालयहरुमा प्रवाह हुने बिभिन्न प्रकारका निकासाहरु भुक्तानी हुन कठिनाई हुन गएको बताएका छन् ।
नगरपालिकाभित्रका ४२ वटा सामुदायिक विद्यालयहरुको समयमा पाठ्यपुस्तक, छात्रबृत्ति, दिवाखाजा, तलवभत्ता लगायत अन्य बिभिन्न महत्वपूर्ण जिकासाहरु समयमा नहुने अवस्था देखिएकाले विद्यालयमा अध्ययनरत बालबालिकाको पठनपाठन लगायत विद्यालय संचालज एवं व्यवस्थापन कार्यमा असर पर्ने अवस्था देखिएको पत्रमा भनिएको छ ।
बर्तमान र सम्भावित सम्पूर्ण समस्याहरुको निराकरणका लागि अबिलम्ब यस नगरपालिकाको नियमित कामकाजहरु सुचारु हुनुपर्ने आफूहरुको सामूहिक ठहर रहेको बताउँदै उनीहरुले यो कार्यमा प्रमुख जिल्ला अधिकारीको पनि पहलकदमीको अपेक्षा राखेका छन् ।
