दिपेन्द्र पासवान
सुरुङ्गा । सप्तरीमा एक महिलासँग दाजु नाता पर्नेले नै सामूहिक बलात्कार गरेको घट्ना बाहिरिएको छ ।
जिल्लाको सुरुङ्गा नगरपालिका वडा नम्बर ११ की ती दलित महिलासँग दाजु पर्नेले नै बलात्कार गरेका हुन् ।
बलान बिहुल नगरपालिका वडा नम्बर १ बलानपट्टीका ५० बर्षीय चन्देश्वर सदा र सोही ठाउँका ४५ बर्षीय रामदेब सदाले ३५ बर्षीया ती महिलासँग जवर्जस्ती करणी गरेका हुन् ।
यी दुबै जनाले गत शुक्रबार राति ‘तिम्रो आमा बिरामी छ, त्यहीं भएर लिन आएको छु’ भन्दै महिलालाई साथमा लिई जाँदै गर्दा बिहुल खोला पुग्नेवित्तिकै एक्कासी लडाएर करणी गरेको महिलाको भनाई छ ।
जर्वजस्ती करणीमा संलग्न दुबैलाई स्थानीयको सहयोगमा नियन्त्रणमा लिई प्रहरीमा बुझाइएको छ । प्रहरीले जर्वजस्ती करणी मुद्दामा सप्तरी जिल्ला अदालतबाट म्याद थप गराई अन्य अनुसन्धान गरिरहेको सप्तरी प्रहरीका प्रबक्ता एवं डीएसपी जितेन्द्र कुमार बस्नेतले जानकारी दिए ।
आमाकै चामल चोरी गरी आमा बिरामीको नाटक
जर्वजस्ती करणीमा संलग्न दुबैले पीडित महिलाकी आमाको सोही दिन चामल चोरी गरेका थिए । घरमा रहेका ४ किलो चामल चोरी गरी त्यसलाई बेचेर सुरुङ्गा नगरपालिका महिलाको घर पुगेका थिए ।
महिलाको घरमा आएर ‘तिम्रो आमा बिरामी छ, मुखबाट रगत निस्किदैंछ । शायद बाँच्दैनन् होला । अन्तिम पटक मुख हेर्न बोलाएको छ, जसरी पनि जानै पर्छ’ भनेका थिए ।
ती महिलाले यहिं भनेर आफूलाई झुक्याएर लगेको बताइन् ।
आमाको बारेमा यस्तो दुःखद खबर आएपछि कुन छोरी जाँदैनन्’ उनले भनिन्, ‘झन् आफ्नै नातेदार लिन आएपछि रातिको वास्ता नगरी हिंडिहाले ।’
आमालाई कतिखेर हेर्ने भन्ने लागिरहेको थियो ती महिलालाई । ‘तर बिहुल खोला पुग्ने बितिकै दुबैले जर्वजस्ती लडाएर दुबैले पालैपालो जर्वजस्ती करणी गरे’ रुँदै ती महिलाले सविस्तार बताइन् ।
राती अबेला हिडेको आमा हजुरआमाको घर पुगे कि पुगेनन् भनेर महिलाका छोराले फोनमा सोधे । तर, फोनको उत्तर सुनेर महिलाको परिवार झसंग भए । पीडित महिलाकी आमाले भनिन्, ‘म त कुनै बिरामी परेको छैन् ।’
यो जानकारी पाएपछि पीडित महिलाका छोराछोरीले स्थानीयबासी केहि व्यक्ति समेतलाई लिएर खोज्न हिंडे । घरबाट करिब एक किमी दक्षिण पर्ने बिहुल खोला निर पुग्दा आमालाई उनीहरुले देखेनन् । तर, आमालाई लिन आएका दुई जनालाई भाग्दै गरेको देखेपछि घटनामा संलग्न चन्देश्वरलाई समात्न सफल भए । भागिसकेका रामदेबलाई उनको घरबाटै स्थानीयले नियन्त्रणमा लिए । र, भोलिपल्ट शनिबार बिहान करिब ८ः ०० बजे ईलाका प्रहरी कार्यालय कडरबोनाको जिम्मा लगाइएको सुरुङ्गा नगरपालिका वडा नम्बर ११ का अध्यक्ष रामकुमार चौधरीले बताए ।
सप्तरी प्रहरीका प्रबक्ता बस्नेतका अनुसार पक्राउ परेका दुबैबिरुद्ध आईतबार जिल्ला अदालतबाट म्याद थप गराएर अन्य अनुसन्धान शुरु गरिएको छ ।
