राजविराज । मधेशको संस्कृति र रहनसहन बुझ्न एक दर्जनभन्दा बढी विदेशी विद्यार्थी सप्तरी आइपुगेका छन् । अन्तर्राष्ट्रिय भोलेन्टियर सर्भिस कार्यक्रम अन्तर्गत १६जना विदेशी विद्यार्थी यहाँ आइपुगेका हुन् ।
नेपाल युनाइटस नामक संस्थाको समन्वयमा उनीहरु यहाँ आएका हुन् । ताइबानका १४, मलेसिया र भियतनामका १÷१ जना विद्यार्थी यहाँँ आइपुगेको नेपाल युनाइटसको राष्ट्रिय निर्देशक मो. रहमानले जानकारी दिए ।
उनका अनुसार ती विद्यार्थीहरु नेशनल चुँग सिंग युनिभर्सिटी ताइबानमा अध्ययनरत छन् ।
आफूले सिकेका कुराहरु शिक्षण विधी र खेलकुदको माध्यमबाट यहाँका बालबालिकालाई सिकाउने र उनीहरुले यहाँका कुराहरु सिक्ने मुख्य उद्देश्य रहेको रहमानले बताए ।
उहाँहरु होटेलमा नभई वास्तविक घर परिवारका सदस्यहरुसँगै बसेर संस्कृति, रहनसहन भेषभूषाबारे जानकारी लिनेछन्’ उनले भने, ‘उनीहरु एउटा परिवारजस्तो बस्नुहुन्छ ।’
असार १७ देखि राजविराज आएका उनीहरु ३१ गतेसम्म यहाँ रहेर मधेशलाई नियाँल्ने र उनीहरुले सिकेका सकारात्मक कुराहरु यहाँ सिकाउने कार्यक्रम रहेको छ ।
