राजविराज । नेपाली कांग्रेस सप्तरीले प्रदेश क्षेत्रिय सभापतिको निधनको शोकमा तीन दिनसम्म पार्टीको आधा झण्डा झुकाउने भएको छ ।
नेपाली कांग्रेस सप्तरी क्षेत्र नम्बर २ ‘ख’ को प्रदेश क्षेत्रिय सभापति श्याम यादवको मंगलबार राति उपचारका क्रममा निधन भएको छ ।
राजविराज नगरपालिका वडा नम्बर १२ निवासी यादवको असमायिक निधनले पार्टी स्तब्ध र मर्माहत भएको जिल्ला सचिव सनत मण्डलले शोक बिज्ञप्ती जारी गर्दै बताएका छन् ।
स्व. यादवको सम्मानमा जिल्ला पार्टी कार्यालय, राजविराजमा तीन दिन पार्टीको आधा झण्डा झुकाइने र श्रद्धाञ्जलीको लागि शोक पुस्तिका रााखिएको सचिव मण्डलले बताएका छन् ।
लामो समयदेखि पार्टीमा आबद्ध भई क्रियाशिल रुपमा पार्टीको गतिविधी तथा संगठन विस्तारमा योगदान पु¥याएका यादवको निधनले पार्टीलाई अपूर्णीय क्षति पुगेको जनाउँदै विज्ञप्तीमा उहाँप्रति हार्दिक श्रद्धाञ्जली व्यक्त गरिएको छ । साथै शोकसन्तप्त परिवारजनमा हार्दिक समवेदना प्रकट पनि गरिएको छ ।
