भगत मृत फेला परेपछि राइस मिलद्वारा दु:ख व्यक्त 

राजविराज । आफ्ना म्यानेजर मृत भेटिएपछि श्याम बाबा राइस एन्ड आयल मिलले दु:ख व्यक्त गरेको छ ।

राजविराज नगरपालिका ८ स्थित श्याम बाबा राईस एण्ड आयल मिल प्रालिका म्यानेजर रौतहटको गौर नगरपालिका वडा नम्बर ५ स्थित नेपाल लजको २०२ नम्बर कोठामा साेमबार मृत भेटिएका हुन । उनी २५ असारदेखि हराइरहेका थिए ।

मृत भेटिएका भगत आफ्नो पारिवारिक सदस्य जस्तै रहेको बताउँदै मिलका संचालक लालु अग्रवालले उनको अभाव खड्किरहेको बताए । ‘उहाँको निधनले मर्माहत भएको छु’ अग्रवालले भने, ‘३० बर्षदेखि लगातार मिलमा काम गर्नुभएका उहाँप्रति हार्दिक श्रद्धाञ्जली व्यक्त गर्दछु ।’

बिहीबार पत्रकारहरुसङ कुरा गर्दै अग्रवालले भगत रौतहटसम्म कसरी पुगे र कसरी मृत फेला परे ? भन्ने सन्दर्भमा अनुसन्धान गरिदिन सम्बन्धित निकायसँग आग्रह गरेका छन् ।