राजविराज । राजविराज कारागारमा रहेका महिला कैदीबन्दीलाई तीज सामग्री प्रदान गरिएको छ ।
महिला, बालबालिका तथा सामुदायिक विकास केन्द्र राजविराजको सहकार्यमा हरितालिका तीज मूल समारोह समिति, राजविराजले तीज सामग्री महिला कैदीबन्दीलाई प्रदान गरेको हो ।
उनीहरूलाई चुरा, साडी, बिन्दी, लड्डु, जेरी, फ्रुटी र नगद समेत सहयोग प्रदान गरिएको हरितालिका तीज मूल समारोह समिति संयोजक पुनम पोखरेलले जनकारी दिइन् ।
कारागारभित्र महिलाले पनि पर्वको उल्लास महसुस गर्न सकून् भन्ने उद्देश्यले यो सामग्री बितरण गरिएको उनले बताइन् ।
महिला, बालबालिका तथा सामुदायिक विकास केन्द्रकी अध्यक्ष अनिता देवकोटाले महिला कैदीले पनि तीज मनाएको महसुस गरोस् त्यसका लागि सामग्री प्रदान गरिएको बताइन् ।
अधिवक्ता मनु खनालले कानूनी सचेतनाका कुरा उठाउँदै महिला कैदीबन्दीलाई पुनस्र्थापनाको बाटोतर्फ लैजाने आवश्यक रहेको बताइन् ।
उक्त अवसरमा मेची–महाकाली बुहारी आवाज, सप्तरीकी कोषाध्यक्ष रत्ना कार्की, कार्यक्रम संयोजक मोसमी झा, सामुदायिक महिला विकास केन्द्र, सप्तरीकी अध्यक्ष मिरा देव, राजविराज नगरपालिकाकी महिला शाखा प्रमुख कल्पना देवसहितको उपस्थिति थियो ।
