राजविराज । सप्तरीमा जेठानी-देवरानीबिच कुटाकुटहुँदा देबरानीकाे गर्भ तुहिएकाे छ ।
जिल्लाकाे खडक नगरपालिका वडा नम्बर ७ स्थित कल्याणपुरमा याे घटना भएको हाे । स्थानीय ४० बर्षीया जिबछी देवी साह र उनकी देवरानी ३५ बर्षीया ललिता देवी साहबीच बाटोमा इँटा राख्ने विषयलाई लिएर कुटपिट भएको हाे ।
गत भदाै ४ गते बिहान कुटपिटबाट ललिता साहको पेटमा चोट लागी घाईते भएको र तत्काल अवस्था सामान्य रहेकोले घरमा नै बसेकी थिइन् । तर एक्कासि पेट दुखी बिरामी भएर उपचारका लागि राजविराज स्थित गजेन्द्र नारायण सिंह अस्पताल ल्याइएकोमा आईतबार पाँच महिनाको गर्भ खेर गएको जिल्ला प्रहरी कार्यालय सप्तरीका प्रहरी नायव उपरीक्षक जितेन्द्र कुमार बस्नेतले जानकारी दिए ।
कुटपिटका आरोपी जिबछी देवी साह फरार रहेको र उनको खोजतलास जारी रहेको जिल्ला प्रहरी कार्यालय सप्तरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
