राजविराज । छठ पूजाकाे अवसरमा सप्तरीको सकरपुरामा मेला एवं सांस्कृतिक कार्यक्रमको आयोजना गरिने भएको छ ।
तिलाठी कोइलाडी गाउँपालिका वडा नम्बर ३ सकरपुरामा मेलासहितको सांस्कृतिक कार्यक्रमको आयोजना गरिने भएको हो ।
शनिबारदेखि नै कार्यक्रम प्रारम्भ हुने आयोजकले जनाएको छ । शनिबार मुर्ति पुजा एवं नाटक प्रदर्शनी राखिएको आयोजक समितिले शुक्रबार आयोजक समितिले पत्रकार सम्मेलन गरि जानकारी दिएको छ ।
समितिका संयाेजक उग्रकान्त झाले स्थानीय युवाले नै नाटकमा अभिनय गर्ने बताए ।
आइतबार सांस्कृतिक कार्यक्रमको आयोजना गरिनेछ भने सोमबार जागरण कार्यक्रम एवं मंगलबार मुर्ति बिसर्जन गरिनेछ ।
शनिबारदेखि प्रारम्भ हुने मेलाको जनमत पार्टीका अध्यक्ष डाक्टर सिके राउतले उद्घाटन गर्ने कार्यक्रम रहेकोे आयोजक समितिका उपाध्यक्ष अशोक मण्डलले जानकारी दिए ।
यो खबर पढेर तपाईलाई कस्तो महसुस भयो ?
+1
+1
+1
1
+1
+1
+1
+1
