राजविराज । चित्रगुप्त सेवा समिति राजविराज ले प्रत्येक बर्ष आयोजना गर्ने भगवान चित्रगुप्त को पूजा पश्चातको भगवान हाथको पूजित कलम यस बर्ष रू एक लाख ५५५ रुपैयामा बिक्री गरिएको छ।
राजविराज वडा नं २ बस्ने मनोज कुमार लाल कर्णले उक्त कलम डाक बढ़ाबढमा साकार गरेको हुन्। उनी भन्दा कम मूल्य राजविराज २ बस्ने प्रतिक कर्ण ले लगाएका थिए। प्रतिकले कलमको मोल ९५ हजार ५ रुपैया साकार गर्दा मनोजले १ लाख ५५५ रुपैयामा उक्त कलम साकार गरेका छन ।
मनोजलाल कर्ज राजविराजमा व्यावसाय गरी आएका व्यक्ति हुन !
समितिले प्रत्येक बर्ष यमपञ्चक को तेश्रो दिन भ्रातृद्वितिया को दिनमा कर्मको लेखा जोखा राख्ने भगवान चित्रगुप्तको पूजा विगत ४० बर्ष देखि आयोजना गर्दै आएको छ।
पूजाको अवसरमा आयोजन गरिएको कार्यक्रममा चित्रांश समाजका विद्यार्थी हरुलाई छात्रवृति समेत प्रदान गरिएको छ । विद्यालय स्तरमा दिइने छात्रवृति यस पटक राहुल लाल, अनिकेत दास , कृतिका कर्ण, अमन मल्लिक , दीपिका कर्ण लाई दिइएको छ भने उच्च अध्ययन तर्फ भूमिका कर्ण, ज्योति कर्ण, स्नेहा दत्त , आयुष कर्ण, रूपा कर्ण र नन्दिनी दत्त लाई दिइएको छ।
समितिका अध्यक्ष विमल कुमार कर्णको अध्यक्षतामा आयोजित समारोहमा भगवानको मन्दिरमा भक्तहरुलाई स्वच्छ खानेपानी को उपलब्धताको लागि करिब रु २ लाखको लागतमा निर्माण गरिएको खानेपानी ट्यांकको हस्तानान्तरण गरिएको छ। राजविराज ८ निवासी स्व . रामचन्द्र लाभको स्मृतिमा उनकी पत्नी सुनिता लाभले उक्त ट्यांक निर्माण गराएकी छिन।
समितिका महासचिव रणघिर कुमार कर्ण द्वारा संचालित कार्यक्रममा राजविराज २ बस्ने ध्रुव कुमार स्वर्णकारले भगवानको लागि एउटा चांदीको मुकुट प्रदान गरेका थिए।
