राजविराज । सप्तरीकाे बाेदे बर्साइन नगरपालिकामा अज्ञात व्यक्तिको गोली प्रहारबाट एकजना मन्दिरका पुजारीको मृत्यु भएको छ
जिल्लाको बोदेबर्साईन नगरपालिका वडा नम्बर ८ रजकपट्टीस्थित कबिर बाबा मन्दिरको पुजारी सोही ठाउँ घर भएका ७० बर्षीय रामदुलार साहको मृत्यु भएको प्रहरीले जनाएको छ ।
साह आफ्नो कुट्टीमा एक्लै बस्दै आएका साह
कुट्टी अगाडी रहेको बाटोमा पिसाब गरिरहेको अवस्थामा अज्ञात व्यक्तिले चलाएको गोली लागेर घटनास्थलमै मुत्यु भएको सप्तरी प्रहरीका प्रवक्ता एवं डीएसपी डम्बर बहादुर पुरीले जानकारी दिए ।
साहको ढाडको पछाडीबाट गोली हान्दा नाईटोको साईडमा एउटा वटा प्वाल भई घटनास्थलमै मृत्यु भएको प्रहरीले जनाएको छ ।
मृतकको शवलाई पाेष्टमार्टमका लागि घोपा क्याम्प धरान पठाइएको छ ।
घटनास्थलमा दुई थान खोका फेला परेको छ । गोली हान्ने व्यक्ति तत्काल फरार रहेको र पहिचान समेत नखुलेकोले खोजी कार्य भईरहेको जिल्ला प्रहरी कार्यालय सप्तरीले जनाएको छ ।
