राजविराज । मधेश प्रदेशका सभामुखलाई हटाउन माग गर्दै सप्तरीमा एक घण्टा पूर्व पश्चिम राजमार्ग अवरुद्ध गरिएको छ ।
जिल्लाको रुपनी गाउँपालिका १ रुपनीस्थित पूर्व पश्चिम राजमार्गमा आज चक्काजाम गरिएको हो । बिहान ८ः३५ देखि ९ः३५ सम्म नेपाली कांग्रेससहितका दलका युवा, विद्यार्थीले सडक अवरुद्ध गरेका हुन् ।
प्रदेश सभामा सभामुख रामचन्द्र मण्डलले अलोकतान्त्रिक गतिविधी देखाएको उनीहरुको भनाई छ । साथै होटेलमा मुख्यमन्त्री नियुक्त गरिनु पनि गैर संवैधानिक भएको भन्दै उनीहरुले चक्काजाम गरेका हुन् । सभामुख मण्डल र मुख्यमन्त्री सरोज यादवलाई पदबाट हटाउन माग गर्दै चक्काजाम गरिएको नेपाली कांग्रेसका युवा नेता सन्तोष यादवले जानकारी दिए ।
कांग्रेससहित नेकपा माओवादी केन्द्र, जसपा, जनमत, लोसपासहितका दलका युवा विद्यार्थीले चक्काजाम गर्दा दर्जनौं सबारीसाधन थन्किएर यात्रुहरुलाई समस्या भएको थियो ।
