राजविराज । सप्तरीको अग्नीसाइर कृष्णसवरन गाउँपालिकामा बजेट निकासा भएको छ । शुक्रबार भाेलीदेखि कर्मचारीलाई तलव वितरण शुरु गरिनेछ ।
बिहीबार कोष तथा लेखा नियन्त्रण कार्यालयले गाउँपालिकाको बजेट निकासा गरेको हो । कार्यवाहक अध्यक्ष कल्पना चौधरीको अख्तियारीमा बजेट निकासा भएपछि शुक्रबारबाट कर्मचारीलाई तलव-भत्ता बितरणको प्रक्रिया शुरु गरिने कार्यवाहक अध्यक्ष चौधरीले जानकारी दिइन ।
साउन यताको तलव नपाएपछि शिक्षक, कर्मचारी पटक-पटक आन्दोलन गर्दै आएका थिए । पछिल्लो पटक सम्पूर्ण कामकाज ठप्प पारी आन्दोलनमा उत्रिदा कार्यवाहक अध्यक्ष चौधरीसहितका जनप्रतिनिधिले ३० कात्तिकभित्र तलव भत्ता उपलब्ध गराउने प्रतिबद्धता जनाएका थिए । यसपछि कर्मचारीले आन्दोलन स्थगित गरेका थिए ।
यो खबर पढेर तपाईलाई कस्तो महसुस भयो ?
+1
+1
+1
+1
1
+1
+1
+1
