राजविराजमा जारी रिले अनसनप्रति उज्यालो पार्टी नेपालको समर्थन

राजविराज । सप्तरीमा आन्तरिक राजस्व कार्यालय स्थापनाको माग गर्दै जारी रिले अनसनप्रति उज्यालो पार्टी नेपालले समर्थन जनाएको छ ।

अनसनस्थल राजविराजको गजेन्द्र चोक पुगेर पार्टीका नेताहरुले समर्थन जनाएका हुन् । केन्द्रीय सदस्य डा. दिपक चौधरी, तेजनारायण यादव, नेता हर्कनारायण चौधरीसहितकाले रिले अनसनप्रति ऐक्यबद्धता जनाएका हुन् ।

सप्तरी जिल्लामा धेरै करदाता रहेकाले यो ठाउँमा आन्तरिक राजस्व कार्यालय स्थापना हुनुपर्ने केन्द्रीय सदस्य डा. चौधरीले बताए । उनले यसका लागि आफूहरुले पनि पहल गर्ने बताए ।