राजविराज । नेपाल जनता पार्टीको सप्तरी जिल्ला समिति विस्तार गरिएको छ ।
राजविराज ८ स्थित राधाकृष्ण मन्दिरको सभाहलमा भएको एक भेलाले समिति विस्तार गरिएको हो ।
दिपेन्द्र प्रसाद यादवको अध्यक्षतामा निर्माण भएको पार्टीको जिल्ला समिति उपाध्यक्षद्वयमा भुटनी देवी राम र कृष्ण कुमार साहलाई चयन गरिएको छ ।
महामन्त्रीमा सन्जय कुमार कोगडिया यादवलाई राख्दा कोषाध्यक्षमा बिन्दानन्द नुन्दी र प्रवक्तामा ममता कुमारी यादवलाई राखिएको छ ।
मन्त्री अर्थात सचिबमा तीन जनालाई राखिएको छ । हरिदेव राम, भगवान लाल सोनार र प्रमोद कुमार देवलाई यो पदमा राखिएको छ ।
सदस्यमा बिनोद कुमार साह, गीता देवी दास, रामचन्द्र प्रसाद यादव, विजयादेवी लक्ष्मी झा, जगदीश कविरथ, लक्ष्मी कुमारी राम, चन्दृका कुमारी यादव, दिवाकर राय, भुली देवी खङ, इन्दु गिरि, अधिवक्ता संगीता सिंह र सुभाषचन्द्र साहलाई चयन गरिएको छ ।
‘धर्म निरपेक्षतालाई डाँडाे कटाऔ, हिन्दु राष्ट्र पुनः लेखाऔ, घर-घर हामी जाऔ, आफ्नो धर्म आफैं बचाऔं ‘ मुल नारासहित यो पार्टी गठन गरिएको छ ।
