उज्यालो नेपाल पार्टीका केन्द्रीय सदस्य डा. दीपक चौधरीले बेदागी व्यक्तिलाई मात्र पार्टीमा पद दिने बताएका छन् ।
नेपाल पत्रकार महासंघ, सप्तरीमा पत्रकार सम्मेलन गर्दै उनले यस्तो बताएका हुन् । कसैलाई अन्यायमा पारेका, अनियमिततामा मुछिएका व्यक्तिलाई पार्टीमा कुनै पद नदिने उनले बताए ।
दागी मान्छेलाई कुनै पनि पद दिइने छैन’ उनले भने, ‘हामी गलत मान्छेलाई पार्टीमा राख्दैनौ ।’
सही मान्छेलाई सहि पदमा ल्याएर जिम्मेवारी दिने नीति पार्टीको रहेको चौधरीले बताए ।
बर्तमान अवस्थालाई नै टेकेर चुनावमा जाने बताउँदै उनले भने, ‘चुनावपछि आफ्नो पार्टी संसदमा पुगेपछि शासकीय स्वरूपसहितका परिवर्तन ल्याउँछ ।’
नयाँ पार्टी भएकाले आफुहरु पार्टीबारे र पार्टीको एजेन्डाबारे बुझाउन अहिले जिल्ला दौडाहामा रहेकोे चौधरीको भनाई छ । सप्तरीका केही पालिकाहरुमा संगठन निर्माण गरिसकिएको बताउँदै उनले बुधबार राजविराजमा भेला राखेको बताए ।
