राजविराज । सप्तरीमा एक युवक र युवती मृत अवस्थामा फेला परेका छन् । युवक होटेलको कोठामा र युवती आफ्नै कोठामा झुण्डिएको अवस्थामा मृत भेटिएका हुन् ।
सप्तकोशी नगरपालिका १ फत्तेपुरस्थित इन्द्रेणी होटेल एण्ड लजमा अन्दाजी २५ बर्षीय युवक झुण्डिएको अवस्थामा भेटिएको प्रहरीले जनाएको छ । कोठा नम्बर १०४ मा भित्रबाट चुकुल लगाई पंखामा सलको पासो लगाएर झुण्डिएको अवस्थामा मृत भेटिएको प्रहरीले जनाएको छ ।
मृतक युवकको नाम र ठेगाा खुल्न नसकेको र अन्य अनुसन्धान भइरहेको प्रहरीले जनाएको छ ।
यस्तै, राजविराज नगरपालिकामा एक युवती आफ्नै घरमा झुण्डिएको अवस्थामा मृत फेला परेकी छन् ।
नगरपालिकाको वडा नम्बर १ डुमरी टोल बस्ने १८ बर्षीया बेबी भनिने देवी कुमारी यादव आफ्नै घरमा झुण्डिएको अवस्थामा मृत भेटिएको प्रहरीले जनाएको छ ।
दुबै घट्नाबारे अन्य अनुसन्धान भइरहेको जिल्ला प्रहरी कार्यालय, राजविराजले जनाएको छ ।
