वरिष्ठ राजनीतिज्ञ खुशीलालको भव्य नागरिक अभिनन्दन

राजविराज । वरिष्ठ राजनीतिज्ञ खुशीलाल मण्डललाई बुधबार आफ्नै गृहनगर राजविराजमा नागरिक अभिनन्दन गरिएको छ ।

सप्तरी–सिरहा नागरिक समाजले भव्य कार्यक्रमको आयोजना गरी मण्डललाई अभिनन्दन गरिएको हो । गणतन्त्र नेपालका प्रथम राष्ट्रपति डा. रामवरण यादवले उनलाई अभिनन्दन गरे ।

त्यस अवसरमा पूर्व सभामुख दमननाथ ढुँगाना, सप्तरी क्षेत्र नम्बर १ का प्रतिनिधीसभा नवलकिशोर साह, क्षेत्र नम्बर २ का डा. सिके राउत, क्षेत्र नम्बर ३ का दिनेश कुमार यादव, राष्ट्रिय सभा सदस्य शेखर सिंह, प्रदेश सभा सदस्य जितेन्द्र सोनल, ललिता दाससहित बिभिन्न क्षेत्रका व्यक्तिहरुको उपस्थिति थियो ।

कार्यक्रममा रामरिझन यादवले मण्डलबारे लेखेको कर्मवीर योद्धा नामक पुस्तकको बिमोचन समेत गरिएको थियो ।