राजविराज । सप्तरीको छिन्नमस्ता गाउँपालिका वडा नम्बर १ मा अब बालविवाह नहुने भएको छ ।
यसअघि कम उमेरमै विवाह गरिदैं आएपनि यो वडामा अब उमेर पुगेपछि मात्रै विवाह गर्न पाइने भएको हो ।
बुधबार यो वडालाई बालविवाहमुक्त घोषणा गरिएसँगै अब बालविवाह गर्न नपाइने भएको हो ।
बुधबार आयोजित एक कार्यक्रमकाबीच वडालाई बालविवाह मुक्त घोषणा गरिएको छ । कार्यक्रममा गाउँपालिका अध्यक्ष विद्यानन्द चौधरीले बकालविवाहमुक्त क्षेत्र घोषणा पत्र वडाअध्यक्ष ललन प्रसाद यादवलाई हस्तान्तरण गर्दै बालविवह मुक्त वडा घोषणा गरे ।
कार्यक्रमका प्रमुख अतिथी पूर्व सिंचाई मन्त्री उमेश कुमार यादवले कम उमेरमा विवाह गर्दा जीवनभर बिभिन्न किसिमको समस्या खेप्नुपरेको उल्लेख गर्दै बालविवाह हुन नदिन सबैले सहयोग गर्नुपर्ने बताए ।
उनले कम उमेरमा विवाह गर्दा शारीरिक र मानसिक समस्या खेप्नुपरिरहेको बताउँदै उमेर पुगेपछि मात्रै विवाह गर्नुपर्नेमा जोड् दिए ।
प्रमुख जिल्ला अधिकारी किरण थापाले घोषणा गर्नु राम्रो भएको बताउँदै सबै मिलेर यसको कार्यान्वयन गर्नुपर्ने बताए ।
गाउँपालिका अध्यक्ष चौधरीले बालविवाह मुक्त घोषणा हुनु एकदमै सह्रानीय रहेको भन्दै कार्यान्वयनमा सहयोग गर्न सबैसँग आग्रह गरे ।
वडा अध्यक्ष यादवको अध्यक्षतामा आयोजित कार्यक्रममा गाउँपालिका उपाध्यक्ष राजुदेवी यादव, वडा अध्यक्षहरुसहितको उपस्थिति थियो ।
