नेदरल्याण्डस्सँग नाबिबियाको हारसँगै नेपाल आइसिसि क्रिकेट वल्र्ड कप लिग २ को अंकतालिकामा शिर्षस्थ स्थानमा पुगेको छ ।
काठमाडौंको किर्तिपुरमा जारी लिगको तीन देश सम्मिलित प्रतियोगितामा तीनै टिम एक खेलमा हार र एक खेलमा पराजित भएको छ । नेट रनरेटको आधारमा नेपाल पहिलो स्थानमा रहेको छ । नामिबिया दोस्रो र नेदरल्याण्ड्स तेस्रो स्थानमा छ ।
नेपालको शून्य दशमलव ९२० नेट रनरेट रहँदा नामिबियाको माइनस शून्य दशमलव २२० र नेदरल्याण्डको माइनस शून्य दशमलव ६६६ रनरेट छ ।
नेपाल आफ्नो पहिलो खेलमा नामिबियासँग ४ विकेटले पराजित हुँदा नेदरल्याण्ड्सलाई ९ विकेटले पराजित गरेको थियो । नेदरल्याण्ड्सले सोमबार भएको खेलमा नामिबियालाई ७ विकेटले पराजित गरेको छ ।
यी तीन देश सम्मलिति लिग २ को तीन खेल खेल्न बाँकी छ । यस पटक लिग २ मा ८ राष्ट्र प्रतिस्पर्धा गर्दैछन् । शिर्ष चारमा रहने टोली विश्वकप छनौटका लागि सिधैं छनौट हुनेछ ।
नेपाल, नेदरल्याण्ड्स, नामिबियाका साथै क्यानाडा, ओमान, स्कटल्याण्ड, यूयई र अमेरिका यस पटक लिग २ को खेल खेल्नेछन् ।
