राजविराज । मधेश प्रदेशमा प्रथम प्रदेश सांसदहरु संगठित भएका छन् । प्रथम प्रदेश सांसदहरुको एक भेलाले प्रथम÷पूर्व मधेश प्रदेश सभा सदस्य मंचको गठन गरिएको छ ।
पूर्व मन्त्री शैलेन्द्र साहको संयोजकत्वमा यो मंचको गठन गरिएको हो । सचिवमा जगत प्रसाद यादव छन् ।
सुन्दर विक, परमेश्वर साह, मन्जु यादव, श्यामपरी देवी, अशो कुमार यादव, बाबुलाल साह, रुबी कर्ण र मदन श्रीवास्तवलाई सदस्यमा राखिएको छ ।
भेलाले सल्लाहकार समिति समेत बनाइएको छ । बर्तमान मुख्यमन्त्री एवं पूर्व सभामुख सरोज कुमार यादव, बर्तमान सभामुख रामचन्द्र मण्डल, पूर्व मुख्यमन्त्री लालबाबु राउतका साथै सत्यनारायण मण्डल, भरत प्रसाद साह, दिलिप साह, मनिष सुमन र रामनरेश राय यादव सल्लाहकार समितिमा छन् ।
संघीयता कार्यान्वयनका लागि छलफल, बहस गर्न र प्रदेश सरकारको सहयोगीको भूमिका निर्वाह गर्न यो मंच गठन भएको संयोजक साहले बताए ।
पूर्व सांसद भएपनि राज्यले कहिंकतै यसको पहिचान उल्लेख गरेको छैन्’ साहले भने, ‘यो कुरालाई पनि बहसमा ल्याउन यो समितिले काम गर्छ ।’
आफूहरुको कार्यकालमा प्रदेशको नामाकरण गर्दै राजधानी राखेर बिभिन्न ऐन, नियम बनाएको उल्लेख गर्दै उनले ५ सालको अनुभवलाई पनि शेयर गरिने उनले बताए ।
