राजविराज । सप्तरीमा शुक्रबार ट्रकले किच्दा एक व्यक्तिको ज्यान गएको छ ।
जिल्लाको खडक नगरपालिका वडा ५ स्थित पुर्व पश्चिम राजमार्गमा शुक्रबार बिहान ११:३० बजे यो घटना भएको हो ।
ना.८ ख २८१६ नम्बरको मालबाहक ट्रकले किच्दा खड्क नपा ५ खरचुहिया बस्ने ६० बर्षका माखन साहको मृत्यु भएको प्रहरीले जनाएको छ । पश्चिमबाट पुर्वतर्फ जादै गरेको ट्रकले विपरीत दिशातर्फ साइकलमा आउँदै गरेका साहलाई किचेको हो ।
घटनापछि स्थानीयले पुर्व पश्चिम राजमार्गमा चक्काजाम गरेका छन् ।
ट्रक चालक प्युठानको छिन्ताङ बस्ने बमबहादुर पुनलाई नियन्त्रणमा लिइ मृतकको शवलाई पोस्टमार्टमका लागि गजेन्द्रनारायण सिंह अस्पताल राजविराज पठाइएको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
1
+1
+1
+1
