राति १० बजेसम्म पसल खोल्न दिन मदिरा व्यवसायीको माग

राजविराज । सप्तरीमा मदिरा व्यवसायीले राति १० बजेसम्म पसल खोल्न दिनुपर्ने माग गरेको छ ।
संघको आईतबार राजविराजमा बसेको बैठकले यस्तो निर्णय गरेको छ । अन्य जिल्ला सरह सप्तरीमा पनि राति १० बजेसम्म पसल खुल्ला राख्नका लागि जिल्ला प्रशासन कार्यालयसँग अनुरोध गर्ने निर्णय भएको अध्यक्ष मुकेश सिंहले जानकारी दिए ।
बैठकले समितिको सल्लाहकारमा बासुदेव झा र चतुरानन्द देवलाई राख्ने निर्णय गरेको छ । अध्यक्ष सिंहका अनुसार समितिको नियमित बैठक प्रत्येक महिनाको अन्तिम शनिबार बस्ने निर्णय समेत गरिएको छ ।