महिनावारीमैत्री विश्वव्यापी हातेमालो भन्ने नाराका साथ महिनावारी स्वच्छता दिवसको २०२४ को अवसरमा वेल्थ हंगर हिल्फे (WHH) को आर्थिक सहयोगमा महुली समदायिक विकास केन्द्र (MCDC)को आयोजना अन्तर पालिका महिनावारी स्वच्छता व्यवस्थापन संजालका किशोरीहरु बिचको मैत्रीपूर्ण क्रिकेट खेलमा राजगढ गाउँपालिका विजयी भएको छ। डाक्नेश्वरी नगरपालिका स्थित श्री कन्त चन्द्र माध्यमिक विद्यालयको खेल मैदानमा विष्णुपुर गाउँपालिका, राजगढ गाउँपालिका र डाक्नेश्वरी नगरपालिका बीच भएको खेलमा राजगढ गाउँपालिकाले डाक्नेश्वरी नगरपालिका लाई पराजित गर्दै जित हासिल गरेको हो।
महिनावारी भएको समयमा पनि महिलाले आफ्नो कुनै काम नरोकी हरेक क्षेत्रमा जस्तै खेल जगतमा समेत उत्कृस्ट प्रदर्शन गर्न सक्छन् भन्ने कुराको प्रमाण यस क्रिकेट प्रतियोगिताले आम समुदायलाई दिएको भन्ने कुरा डाक्नेश्वरी नगरपालिका नगर उप प्रमुख मीरा कुमारी यादव बताउनु भयो।
ग्रामिण भेगका किशोरीहरूमा महिनावारी स्वच्छता सम्बन्धी जनचेतनाको अभाव भएकोले यसबारे विभिन्न संदेश मुलक सामाग्रीहरु प्रदर्शन समेत गरि दिवस मनाईएको भन्ने बारे महुली समदायिक विकास केन्द्रका अध्यक्ष श्याम कान्त चौधरीले जानकारी दिनुभयो।
