राजविराज । मधेश प्रदेशका मुख्यमन्त्री सतिश सिंहले सरकारी अस्पतालमै सिस्टकाे शल्यक्रिया गराएका छन् ।
उनी मंगलबार प्रादेशिक अस्पताल जनकपुरधाममा शल्यक्रिया गराएका हुन् । टाउकोमा बढेको मासुको शल्यक्रिया उनले गराए ।
अस्पतालका रजिस्ट्रार डा. बिनोद कुमार यादवले मुख्यमन्त्री सिंहले मंगलबार अस्पतालमा शल्यक्रिया गराएको जानकारी गराए ।
आफ्नो शल्यक्रिया गराएका मुख्यमन्त्री सिंहले अस्पतालकाे अनुगमन समेत गरे । त्यस अवसरमा उनले अस्पतालमा धेरै सुधार गर्नुपर्ने आवश्यकता देखिएको बताए । उनले अस्पतालकाे व्यवस्थापन, मेनपावरकाे कमी रहेकाले यसतर्फ सरकार गम्भीर रहेको बताए ।
उनले पदमा रहेकाहरू सरकारी अस्पतालमै उपचार गराए अस्पतालमा सुधार हुने विश्वास पनि व्यक्त गरे ।
यो खबर पढेर तपाईलाई कस्तो महसुस भयो ?
+1
+1
1
+1
+1
+1
+1
+1
