राजविराज । श्रीकृष्णाजन्मष्टमीकाे अवसर पारेर राजविराजमा आइतबार भव्य रथयात्रा निकालिएको छ ।
राजविराज ९ स्थित राधाकृष्ण मन्दिर अगाडिबाट निकालिएको रथ यात्रा नगरको विभिन्न भाग परिक्रमा गरेको छ ।
भगवान श्री राधाकृष्ण विराजमान रथसहित निकालिएको रथ यात्रा रुपनी मोड, कंचनपुर रोड, राजदेवी रोड, तेतरी गाछी, अस्पताल, जन आन्दोलन चोक, गजेन्द्र चोक, राम मन्दिर, अदालत रोड हुँदै पुन: कृष्ण मन्दिरमा गएर टुंगिएको छ ।
रथ यात्राका क्रममा स्थानीय कला संस्कृतिसँग सम्बन्धित झाँकी प्रदर्शन समेत गरिएको छ ।
रथ यात्रामा बालबालिकादेखि वृद्ध वृद्धासम्मकाे उल्लेख्य सहभागिता रहेको थियोे । पैदलसहित मोटरसाइकल, सिटी रिक्सामा समेत व्यक्ति सवार भई रथयात्रामा सहभागी जनाएका थिए ।
राजविराजमा गत बर्षदेखि श्रीकृष्णाजन्मष्टमी रथयात्रामा उल्लेख्य सहभागिता रहँदै आएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
