राजविराज । शिक्षा विधेयकमा समावेश गरिएका केहि व्यवस्थाप्रति आपत्ति जनाउँदै नीजि विद्यालयका संचालकहरुले शुक्रबार सप्तरीमा प्रदर्शन गरेका छन् ।
नीजि विद्यालयका संचालकहरुले बस ¥याली निकालेर बिरोध प्रदर्शन गरेका हुन् । आ–आफ्ना विद्यालयका बस निकालेर बिरोध ¥याली निकालेका हुन् ।
प्याव्सन सप्तरीका अध्यक्ष उग्रकान्त झाका अनुसार जिल्लाको सप्तकोशी, कंचनरुप, तिलाठी कोइलाडीसहितका ठाउँमा प्रदर्शन गरिएको छ ।
शिक्षा विधेयकमा राखिएको ‘पूर्ण छात्रवृत्ति’ भन्ने शब्द हटाउनुपर्ने, विद्यालयहरूमा उत्पादन नहुने सामग्रीहरू जस्तै पोसाक, स्टेशनरी, शैक्षिक सामग्री, खाना (खाजा उपलब्ध गराउने प्रावधान खारेज गर्नुपर्ने, कम्पनी ऐन अनुसार दर्ता भई सञ्चालनमा रहेका विद्यालयहरूलाई “गैर–नाफामूलक“ बनाउँदै लगिने भन्ने प्रावधान हटाइनु पर्ने, छात्रवृत्ति वितरणको अधिकार सम्बन्धित विद्यालयमा रहनुपर्ने, पालिका प्रतिनिधिको सहभागितामा एक पारदर्शी समिति गठन गरी वितरण गर्न सकिने व्यवस्था मिलाउनुपर्ने माग उनीहरुको छ ।
यस्तै, छात्रवृत्ति सम्बन्धी ऐन, २०२१ को दफा ३(क), नियमावली, २०६० को नियम १० (क), मा ४५% आरक्षण छात्रवृत्ति व्यवस्था तथा २०७७ को संशोधन ऐन अन्तर्गतको विभेदकारी प्रावधान जसअनुसार केवल कक्षा ६ देखि १० सम्म सामुदायिक विद्यालयमा अध्ययन गरेकाले मात्र उच्च शिक्षामा, सिटीइभिटी कार्यक्रम अन्तर्गत अध्ययन गर्न पाउने व्यवस्थामा भएको विभेदकारी ऐन नियमका दफाहरू खारेज गरिनुपर्ने समेत उनीहरुले माग गरेका छन् ।
माग पूरा नभएसम्म आन्दोलनलाई जारी राखिने प्याव्सन, सप्तरीका अध्यक्ष झाले बताए ।
