राजविराज । जनमत पार्टीका अध्यक्ष डा. सिके राउतले संसद पुनःस्थापना गरी आन्दोलनकारीकाे माग पूरा गर्नुपर्नेमा जोड दिएका छन् ।
राजविराजमा आइतबार आयोजित पत्रकार सम्मेलनमा राउतले यस्तो बताएका हुन् । उनले संसद पुनःस्थापना गराएर निर्वाचनमा जाँदा सजिलो हुने बताए ।
‘संसद जिवित भएको भए त्यहाँबाट माग पुरा गर्न सकिन्थ्यो’ उनलेे भने, ‘माग पूरा गर्नका लागि धेरै बुँदामा संविधान संसोधन गर्नुपर्छ । त्यसका लागि संसद चाहिन्छ ।’
‘संविधान संशोधन भएर निर्वाचन हाेस् । यसाे गरिए जेनजी, मधेश आन्दोलनकाे माग पनि सम्बाेधन हुन्छ’ उनलेे भने ।
३ या ४ वटा बैठक बसाएर माग पूरा गरि निर्वाचनमा जादा उपयुक्त हुने उनले बताए ।
संसद नहुँदा चलखेल गर्नेहरू व्यापक सक्रिय हुन सक्ने भन्दै उनलेे सचेत रहनुपर्ने बताए ।
यो खबर पढेर तपाईलाई कस्तो महसुस भयो ?
+1
+1
+1
+1
+1
1
+1
+1
