राजविराज । आफूलाई पत्रकार भन्दै एक व्यक्तिलाई कुटपिट गरी घाइते बनाएको आरोपमा सप्तरीबाट एक जना पक्राउ परेका छन् ।
पक्राउ पर्नेमा तिलाठी कोइलाडी गाउँपालिका वडा नम्बर ४ घर भई राजविराज ३ बस्ने विक्की भनिने प्रहलाद सिंह छन् ।
३० बर्षीय सिंहलाई बुधबार राति राजविराज २ बाट नियन्त्रणमा लिइएको सप्तरी प्रहरीका प्रबक्ता एवं डीएसपी डम्बरबहादुर पुरीले जानकारी दिए ।
सिंहले गत २६ असोजमा राजविराज १ का अन्दाजी ५५ बर्षका कुशेश्वर यादवसँग रु १० हजार मागेका थिए । रकम नदिएपछि सिंहले उनलाई गालीगलौज गर्दै कुटपिट समेत गरेका थिए । कुटपिटले यादवको हातबाट रगत बगेको भिडियो नै सार्वजनिक भएको थियो ।
पक्राउ परेका सिंहबिरुद्ध अभद्र व्यबहार मुद्दामा जिल्ला प्रशासन कार्यालयबाट पाँच दिनको म्याद लिई अन्य अनुसन्धान गरिरहेको प्रहरीको भनाई छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
