राजविराज । मोबाइल चोरी गरेको आरोपमा कुटपिट गर्दा सप्तरीमा एक युवकको मृत्यु भएको छ ।
राजगढ गाउँपालिका ६ फकिरा घर भई राजविराज नगरपालिका १६ बोरिया बस्दै आएका मुकेश यादवको यसरी मृत्यु भएको हो ।
१९ बर्षीय यादवको उपचारका क्रममा छिन्नमस्ता अस्पतालमा शुक्रबार मृत्यु भएको प्रहरीले जनाएको छ ।
सप्तरी प्रहरीका प्रवक्ता एवं डीएसपी डम्बरबहादुर पुरीका अनुसार घटना ३ मंसिरमा भएको हो ।
त्यस दिन मृतक यादवका बोरियास्थित छिमेकी सरो कुमारी साहको मोबाइल हराएको थियो । सरोले आफ्नो मोबाइल मुकेशले नै चोरी गरेको भन्दै अरु मान्छेको सहयोगमा कुटपिट गरेका थिए ।
कुटपिटबाट घाइते भएका उनको उपचारका क्रममा मृत्यु भएको हो ।
घट्नापछि सरो र उनका छिमेकी सन्तोष राउतलाई नियन्त्रणमा लिई अन्य अनुसन्धान गरिरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
