राजविराज । राजविराज नगरपालिकाले मुख्य बजारका संरचनाहरु हटाउन अनुरोध गरेको छ ।
नगरपालिकाको कुनौली राजविराज–कंचनपुर बेरियर सडक खण्ड एनएच१४ अन्तर्गत कंचनपुर रोड हनुमान मन्दिरदेखि गजेन्द्र–नेता चोक सडक खण्डमा दुबै साइड नाला, फुटपाथ लगायत अन्य आवश्यक सौन्दर्यीकरण गर्ने कार्यको ठेक्का लागिसकेकाले सो काम गर्न संरचना हटाउन नगरपालिकाले अनुरोध गरेको हो ।
हनुमान मन्दिरदेखि नेता चोकसम्म बीच सेन्टरबाट ९–९ मिटर गरी जम्मा १८ मिटर भित्र पर्ने सम्पूर्ण संरचनाहरु सात दि नभित्र हटाई निर्माण कार्यमा आवश्यक सहयोग गरिदिन नगरपालिकाले सूचना जारी गर्दै अनुरोध गरेको छ ।
नगरपालिकाका कावा प्रमुख इसरत परबिनले जारी गरेको सूचनामा तोकिएको म्यादभित्र संरचना नहटाइए नगरपालिका आफैंले हटाउने समेत भनिएको छ ।
यो खबर पढेर तपाईलाई कस्तो महसुस भयो ?
+1
+1
+1
+1
+1
+1
+1
