यस्तो छ सप्तरी प्रहरीको चाड्पर्व लक्षित सुरक्षा योजन
राजविराज । सप्तरी प्रहरीले चाडपर्व लक्षित सुरक्षा योजना बनाएर सार्वजनिक गरेको छ ।
योजना अन्तर्गत जिल्लाभर शान्ति, सुरक्षा कायम गर्न कार्यरत अधिकतम प्रहरी जनशक्ती, सवारी साधन लगायतका श्रोत साधन हरु परिचालन गरिने सप्तरी प्रहरीका प्रमुख एसपी अविनारायण काफ्लेले जानकारी दिए । उनका अनुसार ७०० प्रहरी परिचालन गर्दै १७ वटा ४ पाङग्रे र ३६ वटा २ पाङ्ग्रे सवारीको प्रयोग हुने बताए । मन्दिर तथा भिड हुने ठाउँमा सादा पोशाकका प्रहरी पनि खटिने उनले बताए ।
प्रमुख जिल्ला अधिकारीको नेतृत्वमा रहेको जिल्ला सुरक्षा समितिको निर्णयानुसार जिल्ला स्थितमा रहेका नेपाली सेना,सशस्त्र प्रहरी बल नेपाल र राष्ट्रिय अनुसन्धान बिभाग जिल्ला कार्यालय सप्तरी सँग समन्वय सहकार्य गरी भरपर्दो सुरक्षा ब्यबस्था मिलाईने एसपी काफ्लेले जनाए ।
