मधेश सम्वाददाता
राजविराज, १० असोज ।
सप्तरीमा ३ हजार २ सय ७८ जना म्यादी प्रहरीलाई नियुक्त गरिने भएको छ । आगामी मंसीर ४ गते हुने प्रतिनिधी र प्रदेश सभा निर्वाचनका निम्ति म्यादी प्रहरी नियुक्त गर्न लागिएको हो ।
मधेश प्रदेश प्रहरी कार्यालय, जनकपुरधामका अनुसार सप्तरीमा ३ हजार २ सय ७८ जनालाई म्यादी प्रहरीमा नियुक्त गरिने भएको हो ।
कार्यालयका प्रबक्ता सुमन कुमार तिमिल्सिनाका अनुसार सप्तरीसहित ८ वटै जिल्लामा २३ हजार सात सय ७१ म्यादी प्रहरी खटाइनेछ ।
सिरहामा दुई हजार ८०९, धनुषामा तीन हजार ४८६, महोत्तरीमा दुई हजार ८०१, सर्लाहीमा तीन हजार ३०७, रौतहटमा दुई हजार ९३९, बारामा तीन हजार १४४ र पर्सामा दुई हजार ७०० म्यादी प्रहरी खटाइने उनले बताए ।
मधेस प्रदेश प्रहरी कार्यालयले भर्नाका लागि आवेदन दिने असोज ६ गते अन्तिम दिनसम्ममा म्यादी प्रहरीमा भर्ना हुनको लागि प्रदेशका सबै जिल्लाहरुमा ११ हजार ६६ हजार ८ सय ८४ जनाको आवेदन परेको थियो ।
सप्तरीमा भने ८ हजार ९ सय ६० जनाले आवेदन दिएका छन् ।
