राजविराज । राजविराज ३ स्थित माँ बैष्णवी काली मन्दिर सेवा समितिमा नयाँ नेतृत्व चयन भएकाे छ ।
अशोक कुमार कर्णकाे नेतृत्वमा सर्वसम्मत कार्यसमिति चयन गरिएको छ ।
उपाध्यक्षमा अनिल कुमार पेडिवाल, महासचिवमा राधेश्याम रमण, सचिवमा राजीव कुमार कर्ण र काेषाध्यक्षमा सतिश चन्द्र झालाई चयन गरिएको छ ।
सदस्यमा पुरुषाेत्तम काेइराला, सुदर्शन प्रसाद सिंह , विश्वनाथ कुमार दास, रणजीत चौधरी तथा महिला सदस्यमा सुरेखा दास र साेनी विश्वास निर्विरोध निर्वाचित भएका छन् ।
नव निर्वाचित अध्यक्ष कर्णले अगामी कार्यकालमा मन्दिरकाे बिकास गर्न आफु दिन रात लागिरहने र कार्यसमितिका सबैजना एक साथ सहयोगी काे रुपमा मन्दिरको कामकाज गर्ने प्रतिबद्धता जाहेर गरेका छन।नव निर्वाचित कार्यसमितिका पदाधिकारीलाई प्रमाणपत्र वितरण गर्दै बुधबार पदभार ग्रहण गराइएको छ।
निवर्तमान अध्यक्ष मनाेज मुन्धडाकाे अध्यक्षतामा र वडा नम्बर ३ का वडाध्यक्ष अनिल दासकाे प्रमुख आतिथ्यमा सम्पन्न कार्यक्रममा प्रमुख अतिथिले नव निर्वाचित पदाधिकारीहरू लाई प्रमाणपत्र हस्तान्तरण गरे।
माँ वैष्णवी सेवा समितिकाे तीन बर्षिय कार्यकालकाे लागि नयाँ कार्यसमिति चयन गर्न बैजनाथ झाकाे संयाेजकत्वमा राम प्रसाद चौधरी र परिष कर्ण सदस्य रहने गरि निर्वाचन समिति गठन गरिएको थियो ।
उम्मेदवारी दर्तामा मंगलबार अध्यक्ष सहित ११ सदस्यीय पदमा एक-एक जनाकाे मात्रै उम्मेदवारी दर्ता भएकोले सबै पद निर्विरोध चयन भएको निर्वाचन संयाेजक बैजनाथ झाले जानकारी दिए।
